به‌رپرسێ ھوبێ/ زه‌كی یوسف

     پشكا تاقیگه ها رێڤه‌به‌ریا ئاڤا ده‌وروبه‌ران رۆله‌كێ سه‌ره‌كی دناڤ رێڤه‌به‌ریێ دا دگریت، چونكو هه‌ر ئاریشه‌كا پیسبوونا ئاڤێ ل جهه‌كی په‌یدادبیت، ئێكسه‌ر  نموونه‌كێ ژ وێ ئاڤێ د ئینیت و پشكنینێ بۆ دكه‌ت و ئێكسه‌ر چاره‌سه‌ریا وێ ئاریشێ ب رێكا ئامیرێن پشكنینێ دهێنه‌ كرن.

ئه‌ڤ پشكه‌ هه‌یڤانه‌ (60) نموونێن ئاڤێ ل سه‌رانسه‌ری پارێزگه‌هێ دكه‌ت و پشكینینه‌كا كیمیاوی به‌كتریولۆجی بۆ وان نموونێن ئاڤێ دهێنه‌ كرن، هه‌روه‌سا حكوومه‌تا هه‌رێما كوردستانێ ساڵانه‌ ملیاره‌ك و (500) ملیون دیناران بۆ ھوبا تاقیگه‌ها ئاڤا ده‌وروبه‌رێن هه‌رێما  كوردستانێ دابین دكه‌ت بۆ وێ یه‌كێ پشكنین بۆ نموونێن ئاڤێ بهێنه‌ كرن و بهێته‌ پاقژكرن و تافیلكرن.

 هه‌روه‌سا ئه‌ڤ هوبه‌یه‌ بریارێ دده‌ت كو ئەو ئاڤا هاولاتى ڤه‌دخۆن ب كێر ڤه‌خوارنێ دهێت یان نه‌، ب دوو ڕێكان دهێته‌ تاقیكرن، ئێك ب ڕێكا كیمیاوی، دوو ب ڕێكا بایلۆجی، هه‌روه‌سا ئه‌ڤ هوبه‌ رادبیت ب چاره‌سه‌ركرنا ئاڤێ هه‌كه‌ ئاڤ ب كێر ڤه‌خۆارنێ نه‌هێت.