کۆمبوونەک لسەر پڕۆژەی ستراتیژیێ ئاڤا زێی مەزن هاتە ئەنجامدان
ئەڤڕۆکە رێکەفتی (١٧/٩/٢٠٢٥) ب سەرپەرشتیا رێزدار (ئاری احمد) رێڤەبەرێ گشتی یێ ئاو ئاوەڕۆ ل هەرێما کوردستانێ و قەیمقامێ قەزا بەردەڕەش – ب وەکالەت رێزدار ( بڕوا فاروق سعید)، ب ئامادەبوونا رێڤەبەرێ ئاڤا دەوڕوبەرێن پارێزگەها دهۆک رێزدار (خەلات فتاح) دگەل لژنەیا سەرپەرشتا پڕۆژەی و کۆمپانیا جێبەجێکار کۆمبوونەک ئەنجامدا.
دڤێ کۆمبوونێدا گەنگەشە هاتەکرن لسەر پڕۆژەیێ ناڤبری کو پتریا بەژدارێن ئاڤێ ل سەنتەرێ قەزا و ناحیە و گوندان مفاداربن ژ پڕۆژەی.
هەژی گۆتنێیە، کۆژمەیێ (٤٢٨) ملیار دیناران هاتیە تەرخانکرن بۆ پڕۆژەی، هەروەسا ئەڤ پڕۆژە ب مەزنترین پڕۆژە دهێنە ناساندن ل سنوورێ پارێزگەها دهۆکێ.
ل دوماهیێ، سوپاسیا سەرۆکێ حکوومەتا هەرێما کوردستانێ (مەسرور بارزانی) و پارێزگارێ دهۆکێ (د. علی تەتەر) هاتەکرن
ژبۆ رەزەمەندیا وان لسەر پڕۆژەی چونکو ب ئەنجامدانا ڤی پڕۆژەی گرفتا کێمیا ئاڤێ ل سنوورێ قەزایا بەردەڕەش بۆ ماوەیەکێ دریژ چارەسەر دبیت.
