ھەوەکا ھشیارکرنێ ژبۆ پاراستنا ئاڤێ
لدووڤ پڕۆگرامێ (SDLG) ب پشتەڤانیا ڕێکخڕاوا نیڤدەولەتی (VNG) و رێکخڕاو (Unicef)، رێڤەبەریا ئاڤا دەورۆبەرێن پارێزگەھا دھۆکێ ب ھەڤکاری دگەل رێڤەبەریا ئاڤا دھۆکێ رابۆیە ب ھەوەکا ھشیارکرنێ (پێگەھاندن) لسەر بابەتێ ( چەوانیا پاراستنا ئاڤێ) کو دھێتە ئەنجامدان لسەر ئاستێ پەروەردا پارێزگەھا دھۆکێ.
دڤێ ھەوێدا رێڤەبەریێن ناڤبری سەرەدانا چەند قوتابخانەیاندا ل سەنتەرێ پارێزگەھا دھۆکێ وەک قوتابخانەیا (دەڤەر) یا بنەرەت و قوتابخانەیا (شان) یا بنەرەت و ھەروەسا ئامادەیا (وارگەھ) یا کچان و ئەڤ سەرەدانانە دێ دبەردەوام بن بۆ چەندین قوتابخانەیێن دیتر ددەمێ بھێت دا.
ھەژی گۆتنێیە، چەندین پۆستەر لسەر ھشیارکرن و پاراستنا ئاڤێ و دیاریێن جوان لسەر قوتابیان ھاتنە بەڵاڤەکرن و داخازیا سەرکەفتنێ بۆ وان خواست.
